ವಾಷಿಂಗ್ಟನ್: ಉಕ್ರೇನ್ ವಿಚಾರವಾಗಿ ಅಮರಿಕ ಮತ್ತು ರಷ್ಯಾ ನಡುವೆ ನಡೆಯುತ್ತಿರುವ ಶೀತಲ ಸಮರ ಮತ್ತಷ್ಟು ಉಲ್ಬಣಗೊಂಡಿದ್ದು, ಉಕ್ರೇನ್ನಲ್ಲಿರುವ ಅಮರಿಕನ್ನರಿಗೆ ಅಧ್ಯಕ್ಷ ಜೋ ಬೈಡೆನ್ ಎಚ್ಚರಿಕೆಯ ಸಂದೇಶವನ್ನು ರವಾನಿಸಿದ್ದಾರೆ.ಗುರುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಬೈಡೆನ್, ತಕ್ಷಣ ಅಮೆರಿಕನ್ನರು ಉಕ್ರೇನ್ ಬಿಡುವಂತೆ ಕರೆ ನೀಡಿದ್ದಾರೆ.ರಷ್ಯಾ ಸೈನಿಕರ ಪಡೆ ಉಕ್ರೇನ್ ಗಡಿಯಲ್ಲಿ ಬೀಡುಬಿಟ್ಟಿರುವುದರಿಂದ ಬೈಡೆನ್ ಈ ಎಚ್ಚರಿಕೆಯ ಸಂದೇಶವನ್ನು ರವಾನಿಸಿದ್ದಾರೆ.ನಾವು ವಿಶ್ವದ ಅತಿದೊಡ್ಡ ಸೈನ್ಯದೊಂದಿಗೆ ವ್ಯವಹರಿಸುತ್ತಿದ್ದೇವೆ. ಇದು ತುಂಬಾ ವಿಭಿನ್ನವಾದ ಪರಿಸ್ಥಿತಿ ಮತ್ತು ವಿಷಯಗಳು ತ್ವರಿತವಾಗಿ ಬೆಳೆಯಬಹುದು ಎಂದು ಬೈಡೆನ್ ಹೇಳಿದ್ದಾರೆ.ಉಕ್ರೇನ್ಗೆ ನಮ್ಮ ಸೇನಾ ಪಡೆಯನ್ನು ಕಳುಹಿಸುವ ಉದ್ದೇಶವಿಲ್ಲ. ಯಾವಾಗ ಅಮೆರಿಕನ್ನರ ಪಡೆ ಮತ್ತು ರಷ್ಯಾ ಪಡೆ ಗುಂಡಿನ ದಾಳಿ ಆರಂಭಿಸುತ್ತದೋ ಆವಾಗ ಅದು ವಿಶ್ವಯುದ್ಧವಾಗುತ್ತದೆ. ನಾವೀಗ ತುಂಬಾ ವಿಭಿನ್ನವಾದ ಪ್ರಪಂಚದಲ್ಲಿದ್ದೇವೆ ಎಂದು ಬೈಡೆನ್ ಹೇಳಿದರು.ರಷ್ಯಾ ಬೆಲರಸ್ನಾದ್ಯಂತ ಟ್ಯಾಂಕರ್ಗಳನ್ನು ಕಳುಹಿಸಿದ್ದು, ಭಾರಿ ಕ್ಷಿಪ್ಪಣಿಗಳು ಮತ್ತು ಸಾಕಷ್ಟು ಸೈನಿಕರನ್ನು ರಷ್ಯಾ ಉಕ್ರೇನ್ ಗಡಿಯಲ್ಲಿ ಜಮಾವಣೆ ಮಾಡುತ್ತಿರುವುದು ತುಂಬಾ ಅಪಾಯಕಾರಿ ಬೆಳವಣಿಗೆ ಎಂದು ಅಮೆರಿಕದ ನ್ಯಾಟೋ ಪಡೆ ಹೇಳಿಕೆ ನೀಡಿದ ಬೆನ್ನಲ್ಲೇ ಬೈಡೆನ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.ಉಕ್ರೇನ್ಗಾಗಿ ಅಮೆರಿಕ ಮತ್ತು ರಷ್ಯಾ ಹಠಕ್ಕೆ ಬಿದ್ದಿವೆ. ಇತ್ತ ಒಂದು ಹೆಜ್ಜೆ ಮುಂದಿಟ್ಟಿರುವ ರಷ್ಯಾ ಗಡಿಯಲ್ಲಿ ಸರ್ವಸನ್ನದ್ಧ ಸ್ಥಿತಿಯಲ್ಲಿರುವುದು ಆತಂಕಕಾರಿ ಬೆಳವಣಿಗೆ ನಡೆಯುತ್ತಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada