ಮಸ್ಕಿ ತಾಲೂಕಿಗೆ ಶೀಘ್ರ ಉಪ ನೋಂದಣಿ ಕಚೇರಿ ಮುಂಜೂರು ಆಗಲಿದೆ ಎಂದು ಮಾಜಿ ಶಾಸಕ ಪ್ರತಾಪ್ ಗೌಡ ಪಾಟೀಲ್ ಅವರು ಹೇಳಿದರುರಾಯಚೂರು ಜಿಲ್ಲೆಯ ನೂತನ ಮಸ್ಕಿ ತಾಲೂಕಿಗೆ ಶೀಘ್ರದಲ್ಲೆ ಉಪ ನೋಂದಣಿ ಕಚೇರಿ ಮುಂಜೂರು ಆಗಲಿದೆ.ಕೆಲವು ತಾಂತ್ರಿಕ ಕಾರಣಗಳಿಂದ ಮಸ್ಕಿ ಪಟ್ಟಣಕ್ಕೆ ಮೊದಲ ಹಂತದಲ್ಲಿ ಉಪ ನೋಂದಣಿ ಕಚೇರಿ ಮುಂಜೂರಾಗಿರಲಿಲ್ಲ. ಮಂಗಳವಾರ ಮುಖ್ಯಮಂತ್ರಿ ಹಾಗೂ ಕಂದಾಯ ಸಚಿವರೊಂದಿಗೆ ದೂರವಾಣಿಯಲ್ಲಿ ಮಾತನಾಡಿ ನೂತನ ತಾಲೂಕ ಕೇಂದ್ರವಾದ ಮಸ್ಕಿ ಪಟ್ಟಣದಲ್ಲಿ ಉಪ ನೋಂದಣಿ ಕಚೇರಿ ಅವಶ್ಯಕತೆ ಬಗ್ಗೆ ಮನವರಿಕೆ ಮಾಡಿಕೊಡಲಾಗಿದೆ.ಮನವಿ ಸ್ಪಂದಿಸಿದ ಸಿಎಂ ಹಾಗೂ ಕಂದಾಯ ಸಚಿವರು ಮಸ್ಕಿಯ ಉಪ ನೋಂದಣಿ ಕಚೇರಿಯ ಕಡತವನ್ನು ಮಂಗಳವಾರವೇ ಆರ್ಥಿಕ ಇಲಾಖೆಯ ಒಪ್ಪಿಗೆಗೆ ಕಳಿಸಿದ್ದಾರೆ. ಶೀಘ್ರ ಉಪ ನೋಂದಣಿ ಕಚೇರಿ ಮುಂಜೂರು ಮಾಡಿಕೊಡುವ ಬಗ್ಗೆ ಕಂದಾಯ ಸಚಿವರು ಭರವಸೆ ನೀಡಿದ್ದಾರೆ.ಆದಷ್ಟು ಬೇಗ ಮಸ್ಕಿಗೆ ಉಪ ನೋಂದಣಿ ಕಚೇರಿ ಮುಂಜೂರು ಆಗಲಿದೆ ಎಂದು ಹೇಳಿದರು.
https://play.google.com/store/apps/details?id=com.speed.newskannada
