ಮದ್ಯಪಾನ ಆರೋಗ್ಯಕ್ಕೆ ಹಾನಿಕಾರಕ. ಹೀಗಂತ ಮದ್ಯ ಬಾಟಲಿ ಮೇಲೆ ಅಚ್ಚೊತ್ತಿದ್ದರು ಕುಡಿಯುವವರ ಸಂಖ್ಯೆ ಏನು ಕಡಿಮೆಯಾಗಿಲ್ಲ. ಅದರಲ್ಲೂ ಕೆಲವರು ಕದ್ದು ಮುಚ್ಚಿ ಸುರಪಾನ ಮಾಡುತ್ತಾರೆ. ಇನ್ನು ಕೆಲವರು ಬಹಿರಂಗವಾಗಿಯೇ ಮದ್ಯ ಸೇವನೆ ಮಾಡುತ್ತಾರೆ ಮತ್ತು ಡ್ರಿಂಕ್ಸ್ ಮಾಡುವ ಬಗ್ಗೆ ಹೇಳಿಕೊಳ್ಳುತ್ತಾರೆ.
ಅದರಂತೆಯೇ ಇದೀಗ ಬಾಲಿವುಡ್ನ ಖ್ಯಾತ ನಿರ್ದೇಶಕ ಸೌರಭ್ ಶುಕ್ಲಾ ದುಬಾರಿ ಬೆಲೆಯ ರಮ್ ಕುಡಿದ ಬಗ್ಗೆ ಹೇಳಿಕೊಂಡಿದ್ದಾರೆ. ಅದನ್ನ ಯಾರು ಕೊಟ್ರು ಗೊತ್ತಾ?
ಸೌರಭ್ ಶುಕ್ಲಾ ಬಾಲಿವುಡ್ನ ರಣ್ಬೀರ್ ಕಪೂರ್ ಮತ್ತು ಟಾಲಿವುಡ್ನ ನಾಗಾರ್ಜುನ ಜೊತೆಗೆ ಕಳೆದ ಅದ್ಭುತ ಕ್ಷಣಗಳ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಇವರಿಬ್ಬರೊಂದಿಗೆ ದುಬಾರಿ ಬೆಲೆಯ ರಮ್ ಸೇವನೆ ಮಾಡಿರುವ ಬಗ್ಗೆ ಹೇಳಿಕೊಂಡಿದ್ದಾರೆ.
ಸೌರಭ್ ಮತ್ತು ರಣ್ಬೀರ್ ಇಬ್ಬರು ಬರ್ಫಿ, ಜಗ್ಗಾ ಜಾಸೂಸ್ ಸಿನಿಮಾದಲ್ಲಿ ಜೊತೆಯಾಗಿ ಕೆಲಸ ಮಾಡಿದ್ದರು. ಕಳೆದ ವರ್ಷ ಯಶ್ ರಾಜ್ ನಿರ್ಮಾಣದ ಶಂಶೇರಾ ಸಿನಿಮಾದಲ್ಲಿ ಕೆಲಸ ಮಾಡಿದ್ದಾರೆ. ಆದರೆ ರಣ್ಬೀರ್ ಮತ್ತು ನಾಗಾರ್ಜುನ ಮೊದಲ ಬಾರಿಗೆ ಬ್ರಹ್ಮಾಸ್ತ್ರ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಈ ಸಿನಿಮಾ ಕಳೆದ ವರ್ಷ ಬಿಡುಗಡೆಗೊಂಡಿದೆ.
ಸಮ್ಡಿಶ್ ಎಪಿಸೋಡ್ನಲ್ಲಿ, ಸೌರಭ್ ಶುಕ್ಲಾ ಮಾತನಾಡಿದ್ದು, ಎಲ್ಲಾ ಸಂಗತಿಯನ್ನ ಬಿಚ್ಚಿಟ್ಟಿದ್ದಾರೆ. ಜೊತೆಗೆ ಅವರ ಫೇವರೇಟ್ ಡ್ರಿಂಕ್ ಬಗ್ಗೆ ಮಾತನಾಡಿದ್ದಾರೆ. ಓಲ್ಡ್ ಮಾಂಕ್ ಮತ್ತು ಕೋಕ್ ಅನ್ನು ಕುಡಿಯುವ ಬಗ್ಗೆ ಹೇಳಿಕೊಂಡಿದ್ದಾರೆ. ಈ ಮದ್ಯಪಾನ ಸುಲಭವಾಗಿ ಮತ್ತು ಕಡಿಮೆ ಬೆಲೆಯಲ್ಲಿ ದೊರಕುತ್ತದೆ ಎಂದಿದ್ದಾರೆ.
ಸೌರಬ್ ಶುಕ್ಲಾ ಅವರು ರಣ್ಬೀರ್ ಕಪೂರ್ನೊಂದಿಗೆ ದುಬಾರಿ ಬೆಲೆ ರಮ್ ಸೇವಿಸಿರುವ ಬಗ್ಗೆಯೂ ಹೇಳಿಕೊಂಡಿದ್ದಾರೆ. ಶಂಶೇರಾ ಸಿನಿಮಾ ಚಿತ್ರೀಕರಣದ ಸಮಯದಲ್ಲಿ ಸೇವಿಸುವುದಾಗಿ ಹೇಳಿದ್ದಾರೆ.
ನನಗೆ 30 ಸಾವಿರ ಬೆಲೆಯ ರಮ್ ಬಾಟಲಿ ನೀಡಿದ ರಣ್ಬೀರ್ ಅವರು ಅದನ್ನು ಕುಡಿಯುವಂತೆ ಮಾಡಿದರು. ನಾಗಾರ್ಜುನ ಅವರು ರಣ್ಬೀರ್ ಅವರನ್ನು ಕುಡಿಯುವಂತೆ ಒತ್ತಾಯಿಸಿದ್ದರು. ಇದು ಫುಲ್ ಬಾಟಲ್ ಆಗಿದೆ. ರಣ್ಬೀರ್ ಅದನ್ನು ನನಗೆ ನೀಡಿದಾಗ ಅದು ಕ್ವಾರ್ಟರ್ಗೆ ಬಂದಿತ್ತು ಎಂದು ಹೇಳಿದ್ದಾರೆ.
ರಣ್ಬೀರ್ ನನ್ನೊಂದಿಗೆ ಓಲ್ಡ್ ಮಾಂಕ್ ಶೇರ್ ಮಾಡಿಕೊಂಡಿದ್ದಾರೆ. ನಾನು ಲೇಹ್ನಲ್ಲಿದ್ದಾಗ ರಣ್ಬೀರ್ ನನ್ನ ಬಳಿ ಬಂದು ಸರ್ ಏನು ಕುಡಿತೀರಾ? ಎಂದು ಕೇಳಿದರು. ನಾನು ಓಲ್ಡ್ ಮಾಂಕ್ ಎಂದು ಹೇಳಿದೆ. ನಂತರ ದುಬಾರಿ ಬೆಲೆಯ ರಮ್ ನನಗೆ ನೀಡಿದರು. ನಾವು ಬಹಳಷ್ಟು ಕುಡಿದಿದ್ದೇವೆ ಎಂದು ಅರ್ಧ ಬಾಟಲಿಯನ್ನ ನನಗೆ ಕೊಟ್ಟರು. ಬಳಿಕ ಸರ್ ಇದು ನಿಮಗೆ ಸಾಕಾಗಲ್ಲ ಎಂದು ಭಾವಿಸುತ್ತೇನೆ ಎಂದು ಹೇಳಿದರು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada