G7 ಮತ್ತು ಅದರ ಮಿತ್ರರಾಷ್ಟ್ರಗಳು ಘೋಷಿಸಿದ ರಷ್ಯಾದ ತೈಲದ ಮೇಲಿನ ಬೆಲೆ ನಿರ್ಬಂಧವನ್ನು ಬೆಂಬಲಿಸದಿರುವ ಭಾರತದ ನಿರ್ಧಾರವನ್ನು ರಷ್ಯಾ ಸ್ವಾಗತಿಸಿದೆ ಮತ್ತು ಯುರೋಪಿಯನ್ ಯೂನಿಯನ್ ಮತ್ತು ಬ್ರಿಟನ್‌ನಲ್ಲಿ ವಿಮಾ ಸೇವೆಗಳು ಮತ್ತು ಟ್ಯಾಂಕರ್ ಚಾರ್ಟರ್ಟಿಂಗ್ ಮೇಲಿನ ನಿಷೇಧವನ್ನು ನಿವಾರಿಸಲು ದೊಡ್ಡ ಸಾಮರ್ಥ್ಯದ ಹಡಗುಗಳನ್ನು ಗುತ್ತಿಗೆ ಮತ್ತು ನಿರ್ಮಾಣಕ್ಕೆ ಮತ್ತು ರಿಯಾಯಿತಿ ದರದಲ್ಲಿ ತೈಲ ಖರೀದಿಗೆ ಭಾರತದೊಂದಿಗೆ ಸಹಕಾರವನ್ನು ಘೋಷಿಸಿದೆ.ರಷ್ಯಾದ ಉಪಪ್ರಧಾನಿ ಅಲೆಕ್ಸಾಂಡರ್ ನೊವಾಕ್ ಅವರು ಮಾಸ್ಕೋದಲ್ಲಿರುವ ಭಾರತೀಯ ರಾಯಭಾರಿ ಪವನ್ ಕಪೂರ್ ಅವರೊಂದಿಗೆ ಶುಕ್ರವಾರ ಸಭೆ ನಡೆಸಿದ ನಂತರ ಈ ಪ್ರಸ್ತಾಪ ಹೊರಬಿದ್ದಿದೆ.’ಜಿ7 ದೇಶಗಳು ಮತ್ತು ಅವರ ಮಿತ್ರರಾಷ್ಟ್ರಗಳು ಡಿಸೆಂಬರ್ 5 ರಂದು ವಿಧಿಸಿದ ರಷ್ಯಾದ ತೈಲದ ಮೇಲಿನ ಬೆಲೆ ಮಿತಿಯನ್ನು ಬೆಂಬಲಿಸದಿರುವ ಭಾರತದ ನಿರ್ಧಾರವನ್ನು ಉಪಪ್ರಧಾನಿ ಸ್ವಾಗತಿಸಿದ್ದಾರೆ’ ಎಂದು ರಷ್ಯಾದ ವಿದೇಶಾಂಗ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.ಇಂಧನ ಬಿಕ್ಕಟ್ಟಿನ ನಡುವೆಯೂ ಸಹ, ರಷ್ಯಾವು ಇಂಧನ ಸಂಪನ್ಮೂಲಗಳ ಪೂರೈಕೆಗಾಗಿ ತನ್ನ ಒಪ್ಪಂದಗಳನ್ನು ಜವಾಬ್ದಾರಿಯುತವಾಗಿ ಪೂರೈಸುತ್ತಿದೆ, ಪೂರ್ವ ಮತ್ತು ದಕ್ಷಿಣದ ದೇಶಗಳಿಗೆ ಇಂಧನ ರಫ್ತುಗಳನ್ನು ವೈವಿಧ್ಯಗೊಳಿಸುತ್ತದೆ ಎಂದು ನೊವಾಕ್ ಹೇಳಿದ್ದಾರೆ.ಯುರೋಪಿಯನ್ ಯೂನಿಯನ್ ಮತ್ತು ಬ್ರಿಟನ್‌ನಲ್ಲಿ ವಿಮಾ ಸೇವೆಗಳು ಮತ್ತು ಟ್ಯಾಂಕರ್ ಚಾರ್ಟರ್ ಮಾಡುವಿಕೆಯ ಮೇಲಿನ ನಿಷೇಧದ ಮೇಲಿನ ಅವಲಂಬನೆಯನ್ನು ತಪ್ಪಿಸಲು, ರಷ್ಯಾವು ದೊಡ್ಡ ಸಾಮರ್ಥ್ಯದ ಹಡಗುಗಳನ್ನು ಗುತ್ತಿಗೆ ಮತ್ತು ನಿರ್ಮಾಣಕ್ಕೆ ಭಾರತಕ್ಕೆ ಸಹಕಾರ ನೀಡಲಿದೆ ನೋವಾಕ್‌ ಅವರ ಹೇಳಿಕೆ ತಿಳಿಸಿದೆ.ಜಿ7 ರಾಷ್ಟ್ರಗಳು ರಷ್ಯಾದ ತೈಲದ ಮೇಲೆ ಬೆಲೆ ನಿರ್ಬಂಧ ವಿಧಿಸಿರುವುದರಿಂದ ರಷ್ಯಾ ತೈವನ್ನು ಹೊತ್ತೊಯ್ಯುವ ಟ್ಯಾಂಕರ್ ಗಳಿಗೆ ವಿಮಾಸೇವೆ ನೀಡಲು ಯುರೋಪಿಯನ್ ಯೂನಿಯನ್ ಮತ್ತು ಬ್ರಿಟನ್‌ ನಿರಾಕರಿಸುತ್ತಿವೆ. ಹೀಗಾಗಿ ಭಾರತವು ದೊಡ್ಡ ಟ್ಯಾಂಕರ್ ಗಳ ಗುತ್ತಿಗೆ ಮತ್ತು ನಿರ್ಮಾಣ ಮಾಡಲು ರಷ್ಯಾವು ಸಹಕರಿಸುವುದಾಗಿ ಹೇಳಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
