ನವದೆಹಲಿ : ಪ್ರಸಕ್ತ ಟೂರ್ನಿಯನ್ನ(IPL 2022) ಭಾರತದಲ್ಲಿ ನಡೆಸಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ (BCCI) ನಿರ್ಧರಿಸಿದೆ ಎಂದು ಉನ್ನತ ಮೂಲಗಳು ಎಎನ್ ಐಗೆ ಖಚಿತಪಡಿಸಿವೆ. ಹೌದು, ದೇಶದಲ್ಲಿ ಕೋವಿಡ್-19(Covid-19) ಪ್ರಕರಣಗಳು ಕಡಿಮೆಯಾದ್ರೆ, ಮಂಡಳಿ(Board)ಯು ಭಾರತದಲ್ಲಿ 2022ರ ಐಪಿಎಲ್ ಆತಿಥ್ಯ ವಹಿಸಲು ಮುಂದಾಗಲಿದೆ ಎಂದು ಬೆಳವಣಿಗೆಗಳ ಬಗ್ಗೆ ತಿಳಿದಿರುವ ಮೂಲಗಳು ಖಚಿತಪಡಿಸಿವೆ.
‘ಐಪಿಎಲ್ 2022 ಭಾರತದಲ್ಲಿ ನಡೆಯಲಿದೆ ಮತ್ತು ಪಂದ್ಯಾವಳಿಯನ್ನ ಜನಸಂದಣಿಯಿಲ್ಲದೆ ಪ್ರದರ್ಶಿಸಲಾಗುವುದು. ವಾಂಖೆಡೆ ಸ್ಟೇಡಿಯಂ, ಕ್ರಿಕೆಟ್ ಕ್ಲಬ್ ಆಫ್ ಇಂಡಿಯಾ (CCI), ಮುಂಬೈನ ಡಿವೈ ಪಾಟೀಲ್ ಸ್ಟೇಡಿಯಂ 2022ರ ಐಪಿಎಲ್ʼನ ಸಂಭವನೀಯ ಸ್ಥಳಗಳಾಗಿವೆ. ಇನ್ನು ಅಗತ್ಯವಿದ್ದರೆ, ನಾವು ಪುಣೆಯನ್ನ ಸಹ ನೋಡಬಹುದು’ ಎಂದು ಮೂಲಗಳು ತಿಳಿಸಿವೆ.
ಜನವರಿ 20ರಂದು ಐಪಿಎಲ್ ಆಟಗಾರರ ನೋಂದಣಿ ಮುಕ್ತಾಯಗೊಂಡಿದೆ ಮತ್ತು 2022ರ ಆಟಗಾರರ ಹರಾಜಿನ ಭಾಗವಾಗಲು ಒಟ್ಟು 1,214ಆಟಗಾರರು (896ಭಾರತೀಯ ಮತ್ತು 318 ವಿದೇಶಿ) ಸಹಿ ಮಾಡಿದ್ದಾರೆ.
ಎರಡು ದಿನಗಳ ಬೃಹತ್ ಹರಾಜಿನಲ್ಲಿ 10 ತಂಡಗಳು ವಿಶ್ವ ಕ್ರಿಕೆಟ್ʼನ ಕೆಲವು ಅತ್ಯುತ್ತಮ ಪ್ರತಿಭೆಗಳಿಗೆ ಬಿಡ್ ಮಾಡುತ್ತವೆ. ಆಟಗಾರರ ಪಟ್ಟಿಯಲ್ಲಿ 270 ಕ್ಯಾಪ್ಡ್, 903 ಅನ್ ಕ್ಯಾಪ್ಡ್ ಮತ್ತು 41 ಅಸೋಸಿಯೇಟ್ ಆಟಗಾರರು ಒಳಗೊಂಡಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
