ತುಳು ಚಿತ್ರರಂಗದಿಂದ ಸ್ಯಾಂಡಲ್ವುಡ್ಗೆ ಬಂದು ‘ಪಂಚತಂತ್ರ’ ಸಿನಿಮಾದಲ್ಲಿ ತನ್ನ ನಟನೆ ಮತ್ತು ಚೆಲುವಿನಿಂದ ಗಮನ ಸೆಳೆದ ನಟಿ ಸೋನಲ್ ಮೊಂಥೆರೋ ಈಗ ಕನ್ನಡ ಚಿತ್ರರಂಗದ ಬಿಝಿ ನಟಿಯರಲ್ಲಿ ಒಬ್ಬರಾಗಿದ್ದಾರೆ. ಸದ್ಯ ಕನ್ನಡದ ಮೂರ್ನಾಲ್ಕು ಸಿನಿಮಾಗಳನ್ನು ಒಪ್ಪಿಕೊಂಡಿರುವ ನಟಿ ಸೋನಲ್ ಮೊಂಥೆರೋ ಅವರು ಲವಲವಿಕೆ ಜತೆ ಮಾತನಾಡಿದ್ದಾರೆ. ಸೋನಲ್ ಮೊಂಥೆರೋ ಸ್ಯಾಂಡಲ್ವುಡ್ನಲ್ಲಿ ಬಿಝಿಯಾಗಲು ‘ಪಂಚತಂತ್ರ’ ಸಿನಿಮಾವೇ ಕಾರಣ ಎನ್ನುತ್ತಾರೆ. ಅದಾದ ನಂತರ ಅವರು ‘ರಾಬರ್ಟ್’ ಸಿನಿಮಾದಲ್ಲಿ ವಿನೋದ್ ಪ್ರಭಾಕರ್ ಅವರ ಜೋಡಿಯಾಗಿ ಕಾಣಿಸಿಕೊಂಡರು. ಇದಾದ ನಂತರ ಸೋನಲ್ ಮೊಂಥೆರೋ ಖ್ಯಾತಿ ಜಾಸ್ತಿಯಾಯಿತು ಎನ್ನಬಹುದು. ಇವರಿಬ್ಬರದ್ದು ಬೆಸ್ಟ್ ಜೋಡಿ ಎಂಬ ಮಾತು ಸಹ ಕೇಳಿ ಬಂತು. ‘ನಾನು ಈಗ ನಾಲ್ಕೈದು ಸಿನಿಮಾಗಳನ್ನು ಒಪ್ಪಿಕೊಂಡಿದ್ದೇನೆ. ಒಳ್ಳೊಳ್ಳೆ ಕಥೆಗಳು ನನ್ನನ್ನು ಹುಡುಕಿಕೊಂಡು ಬರುತ್ತಿವೆ. ರಾಬರ್ಟ್ ನಂತರ ವಿನೋದ್ ಪ್ರಭಾಕರ್ ಅವರ ಜತೆ ‘ಮಾದೇವ’ ಎಂಬ ಸಿನಿಮಾದಲ್ಲಿ ನಟಿಸುತ್ತಿದ್ದೇನೆ. ಈ ಸಿನಿಮಾದಲ್ಲಿ ನನ್ನ ಪಾತ್ರ ವಿಭಿನ್ನವಾಗಿದೆ. ಇದರ ಜತೆಗೆ ಬಿಡುಗಡೆಗೆ ‘ನಟ್ವರ್ಲಾಲ್’ ಎಂಬ ಸಿನಿಮಾ ಸಿದ್ಧವಾಗಿದೆ. ಒಬ್ಬ ನಟಿಯಾಗಿ ವಿಭಿನ್ನ ಶೈಲಿಯ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದೇನೆ’ ಎಂದಿದ್ದಾರೆ ಸೋನಲ್ ಮೊಂಥೆರೋ.
https://play.google.com/store/apps/details?id=com.speed.newskannada