ದಕ್ಷಿಣ ಭಾರತೀಯರಿಗೆ ಇಡ್ಲಿ ಸಾಂಬಾರ್ ಹೊಸದೇನೂ ಅಲ್ಲ. ಹಲವರ ಬೆಳಗ್ಗಿನ ಉಪಹಾರದ ಮೊದಲ ಆಯ್ಕೆಯೇ ಇಡ್ಲಿ ಸಾಂಬಾರ್. ಘಮಘಮಿಸುವ ಸಾಂಬಾರ್ ಜತೆಗೆ ಇಡ್ಲಿಯನ್ನು ಸವಿಯುವ ಖುಷಿಯೇ ಅದ್ಭುತ. ಭಾರತದ ಇಡ್ಲಿ ಸಾಂಬಾರ್ಗೆ ಮನಸೋಲದವರೇ ಇಲ್ಲ.ಭಾರತೀಯ ಪಾಕ ಪದ್ಧತಿಗೆ ವಿದೇಶಿಗರು ಮನಸೋಲುವುದು ಹೊಸದೇನೂ ಅಲ್ಲ. ಇದಕ್ಕೆ ಬೇಕಾದಷ್ಟು ಸಾಕ್ಷಿಗಳಿವೆ. ಮೊದಲ ಬಾರಿಗೆ ಭಾರತೀಯ ಖಾದ್ಯಗಳನ್ನು ಸವಿದು ಸಂಭ್ರಮಿಸಿದ ವಿದೇಶಿಗರ ಸಾಕಷ್ಟು ವಿಡಿಯೋಗಳು ನಿಮಗೆ ಇಂಟರ್ನೆಟ್ನಲ್ಲಿ ಕಾಣಸಿಗುತ್ತವೆ. ಬರೀ ಅಷ್ಟೇ ಅಲ್ಲ, ಕೆಲ ವಿದೇಶಿಗರು ತಾವೇ ಸ್ವತಃ ಭಾರತೀಯ ಶೈಲಿಯ ಅಡುಗೆಗಳನ್ನು ತಯಾರಿಸಿ ಮನಗೆದ್ದಿದ್ದಾರೆ. ಇದಕ್ಕೆ ಸಾಕ್ಷಿ ಈ ವಿಡಿಯೋ. ಇಲ್ಲೊಬ್ಬರು ಯುಕೆಯ ವ್ಯಕ್ತಿ ರವೆ ಇಡ್ಲಿ ಮತ್ತು ಸಾಂಬಾರ್ ಮಾಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಯುಕೆ ಮೂಲದ ಜೇಕ್ ಡ್ರೈಯಾನ್ ಅವರಿಗೆ ಅಡುಗೆ ಮಾಡುವುದೆಂದರೆ ಬಲು ಇಷ್ಟ. ಅದರಲ್ಲೂ ಭಾರತೀಯ ಶೈಲಿಯ ಅಡುಗೆ ಎಂದರೆ ಇವರಿಗೆ ಅಚ್ಚುಮೆಚ್ಚು. ಈ ಹಿಂದೆ ಕೂಡಾ ಇವರು ಗುಜರಾತ್, ರಾಜಸ್ಥಾನ, ಕರ್ನಾಟಕ ಮತ್ತು ಪಂಜಾಬ್ ಸೇರಿದಂತೆ ಸಾಕಷ್ಟು ರಾಜ್ಯಗಳ ವಿಶೇಷ ಖಾದ್ಯಗಳನ್ನು ತಯಾರಿಸಿದ್ದಾರೆ. ಇದೀಗ ಜೇಕ್ ದಕ್ಷಿಣ ಭಾರತದ ಫೇಮಸ್ ರವೆ ಇಡ್ಲಿಯನ್ನು ತಯಾರಿಸಿದ್ದಾರೆ. ತಾವು ಇಡ್ಲಿ ಮತ್ತು ಸಾಂಬಾರ್ ತಯಾರಿಸಿದ ವಿಧಾನವನ್ನು ಇವರು ರೆಕಾರ್ಡ್ ಮಾಡಿದ್ದು, ಈ ವಿಡಿಯೋವನ್ನು ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada