‘ಹಾಸನಾಂಭೆ ಭಕ್ತ’ರಿಗೆ ಬಿಗ್ ಶಾಕ್ : ಅ.28ರಿಂದ ದೇವಸ್ಥಾನ ಓಪನ್ ಆದ್ರೂ, ಭಕ್ತರಿಗಿಲ್ಲ ಪ್ರವೇಶ
ಹಾಸನ : ದೀಪಾವಳಿ ಮುನ್ನಾದಿನ ಪ್ರತಿ ವರ್ಷ ಹಾಸನಾಂಭೆ ದೇವಾಲಯ ( Hasanambe Temple ) ಭಕ್ತರಿಗಾಗಿ ತೆರೆದುಕೊಳ್ಳುತ್ತದೆ. ಈ ಬಾರಿ ಕೊರೋನಾ ಸೋಂಕಿನ ( Corona Virus ) ಸಂದರ್ಭದ ನಡುವೆಯೂ ದೇವಸ್ಥಾನ ತೆರೆದ್ರೂ.. ಭಕ್ತರಿಗೆ ಮಾತ್ರ ನೇರಭೇಟಿಗೆ ಅವಕಾಶವನ್ನು ನಿಷೇಧಿಸಿದೆ.
ಈ ಕುರಿತಂತೆ ಜಿಲ್ಲಾಡಳಿತ ಆದೇಶ ಹೊರಡಿಸಿದ್ದು, ಗುರುವಾರ ನಡೆದಂತ ಜಿಲ್ಲಾಡಳಿತದ ಸಭೆಯಲ್ಲಿ, ಜಿಲ್ಲೆಯಲ್ಲಿ ಕೊರೋನಾ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿರುವ ಹಿನ್ನಲೆಯಲ್ಲಿ, ಹಾಸನಾಂಬಾ ನೇರ ದರ್ಶನಕ್ಕೆ ಸಾರ್ವಜನಿಕರಿಗೆ ಅವಕಾಶ ನೀಡದಿರಲು ತೀರ್ಮಾನಿಸಲಾಗಿದೆ.
ಕಳೆದ ಬಾರಿಯಂತೆ ಈ ಬಾರಿಯೂ ಭಕ್ತರಿಗೆ ನೇರಭೇಟಿಗೆ ಅವಕಾಶ ನೀಡದೇ ಇದ್ದರೂ, 7 – 8 ಕಡೆಗಳಲ್ಲಿ ದೊಡ್ಡ ಪರದೆಗಳನ್ನು ಅಳವಡಿಸಿ, ಎಲ್ಇಡಿ ಮೂಲಕ ಹಾಸನಾಂಭೆ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗುವುದು ಎಂದು ತಿಳಿಸಿದೆ.
ಈ ಬಾರಿ ಹಾಸನಾಂಭೆ ಹಾಗೂ ಸಿದ್ದೇಶ್ವರ ಸ್ವಾಮೀ ಜಾತ್ರಾ ಮಹೋತ್ಸವವನ್ನು ಅಕ್ಟೋಬರ್ 28ರಿಂದ ನವೆಂಬರ್ 6ರವೆಗೆ ನಡೆಯಲಿದೆ. ಕೊರೋನಾ ಕಾರಣದಿಂದಾಗಿ ಸಾರ್ವಜನಿಕರ ದರ್ಶನಕ್ಕೆ ಅವಕಾಶವಿಲ್ಲ ಎಂದು ತಿಳಿಸಿದೆ.