ಕಾರಿನಲ್ಲಿ ಪ್ರಯಾಣ ಮಾಡುವ ಸಮಯದಲ್ಲಿ ಹಿಂಬದಿಯ ಸೀಟಿನ ಬೆಲ್ಟ್ ಧರಿಸಲು ವಿಫಲರಾದ ಹಿನ್ನೆಲೆಯಲ್ಲಿ ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಅವರಿಗೆ ಪೊಲೀಸರು ದಂಡ ವಿಧಿಸಿದ್ದಾರೆ.
ಬ್ರಿಟನ್‌ನಲ್ಲಿ ಒಬ್ಬ ವ್ಯಕ್ತಿ ಸೀಟ್‌ಬೆಲ್ಟ್ ಧರಿಸಲು ವಿಫಲವಾದರೆ ಕನಿಷ್ಟ ೫೦೦ ಪೌಂಡ್‌ಗಳ (೬೨೦ ಡಾಲರ್) ವರೆಗೆ ದಂಡವನ್ನು ವಿಧಿಸುವ ಕಾನೂನು ಇದೆ. ಇದೇ ಕಾನೂನನ್ನು ಪೊಲೀಸರು ಪ್ರಧಾನಿಗೂ ಅನ್ವಯಿಸಿ ದಂಡ ವಿಧಿಸಿದ್ದಾರೆ.
ಸೀಟು ಬೆಲ್ಟ್ ಧರಿಸದೆ ಕಾರಿನಲ್ಲಿ ಪ್ರಯಾಣಿಸಿದ ಮತ್ತು ಪೊಲೀಸರು ದಂಡ ವಿಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಬಾರಿ ವೈರಲ್ ಆಗಿದೆ. ಕಾರಿನಲ್ಲಿ ಚಲಿಸುವಾಗ ಸೀಟು ಬೆಲ್ಟ್ ಧರಿಸದ ಹಿನ್ನೆಲೆಯಲ್ಲಿ ಪ್ರಧಾನಿ ರಿಷಿ ಸುನಕ್ ಕ್ಷಮೆ ಯಾಚಿಸಿದ್ದಾರೆ. ತನ್ನ ತಪ್ಪಿನ ಅರಿವಾಗಿದೆ ಎಂದು ಡೌನಿಂಗ್ ಸ್ಟ್ರೀಟ್ ಕಚೇರಿಯ ವಕ್ತಾರರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ವಾಯುವ್ಯ ಇಂಗ್ಲೆಂಡ್ ಪ್ರವಾಸದ ಸಮಯದಲ್ಲಿ ವೀಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್ ಮಾಡಲಾಗಿತ್ತು.
ಸ್ಥಳೀಯ ಪೊಲೀಸರು ತನಿಖೆ ನಡೆಸುವುದಾಗಿ ಹೇಳಿದ್ದರು .ಪ್ರಧಾನಿ ಸೀಟು ಬೆಲ್ಟ್ ಹಾಕದ ಪ್ರಯಾಣ ಮಾಡಿದ್ದು ಖಚಿತವಾದುದನ್ನುದೃಢಪಡಿಸಿ ದಂಡ ವಿಧಿಸಿದ್ದಾರೆ.ಆಗಿನ ಪ್ರಧಾನಿ ಬೋರಿಸ್ ಜಾನ್ಸನ್ ಅವರೊಂದಿಗೆ ಕೋವಿಡ್-೧೯ ಲಾಕ್‌ಡೌನ್ ನಿಯಮಗಳನ್ನು ಉಲ್ಲಂಘಿಸಿದಕ್ಕಾಗಿ ದಂಡಇದೀಗ ಪ್ರಧಾನಿ ರಿಷಿ ಸುನಕ್ ಪೊಲೀಸರಿಂದ ಪಡೆದ ಎರಡನೇ ದಂಡ ಪಡೆದ ಎರಡನೇ ಬ್ರಿಟನ್ ಪ್ರಧಾನಿ ಯಾಗಿದ್ದಾರೆ.ರಿಷಿ ಸುನಕ್ ಅವರ ಕನ್ಸರ್ವೇಟಿವ್ ಪಕ್ಷ ಇತ್ತೀಚಿನ ಜನವರಿ ೨೦೨೫ ರ ವೇಳೆಗೆ ಚುನಾವಣೆಗೆ ಮುಂಚಿತವಾಗಿ, ಅಭಿಪ್ರಾಯ ಸಂಗ್ರಹಣೆಯಲ್ಲಿ ವಿರೋಧ ಪಕ್ಷ ಲೇಬರ್ ಪಕ್ಷಕ್ಕಿಂತ ಹಿಂದುಳಿದಿದೆ.
ಲಂಡನ್‌ನ ೪೨ ವರ್ಷದ ವ್ಯಕ್ತಿಯೊಬ್ಬರಿಗೆ ಪೆನಾಲ್ಟಿ ನೋಟಿಸ್ ನೀಡಲಾಗಿದೆ ಎಂದು ಲಂಕಾಷೈರ್‍ನ ಉತ್ತರ ಇಂಗ್ಲಿಷ್ ಕೌಂಟಿಯ ಪೊಲೀಸರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
https://play.google.com/store/apps/details?id=com.speed.newskannada
