ಮೊಮೊಸ್ ಅಂದ್ರೆ ಯಾರಿಗೆ ತಾನೆ ಇಷ್ಟ ಇಲ್ಲ ಹೇಳಿ… ಸದ್ಯ ಭಾರತದ ಮೂಲೆ ಮೂಲೆಯಲ್ಲೂ ಸಿಗುವಂತಹ ಆಹಾರವಾಗಿದಂತೂ ನಿಜ..ಮಕ್ಕಳಿಂದ ಹಿಡಿದು ವಯೋ ವೃದ್ಧರವರೆಗೆ ಮೊಮೊಸ್ ತಿನ್ನದವರೇ ಇಲ್ಲ.
ಅದರ ಟೇಸ್ಟ್ ಅಂತೂ ಸಖತ್ ಆಗಿರುತ್ತದೆ.. ಕೇಳ್ತಿದ್ರೆ ಬಾಯಲ್ಲಿ ನೀರೂರಿಸುವ ಈ ಮೊಮೊಸ್ ತಿನ್ನುವುದು ಎಷ್ಟು ಕುಷಿ ಅನುಭವ ವಾಗುತ್ತೋ..ಅಷ್ಟೇ ಕೆಟ್ಟ ವಿಚಾರವೊಂದು ಬಹಿರಂಗವಾಗಿದೆ ಇನ್ಮುಂದೆ ಮೊಮೊಸ್ ತಿನ್ನುವ ಮುನ್ನ ಯೋಚಿಸಿ ಅರೇ ಯಾಕೆ ಅಂತಾ ಯೋಚಿಸಿದ್ದೀರಾ? ಇಲ್ಲಿದೆ ಓದಿ ಕಂಪ್ಲೀಟ್ ಮಾಹಿತಿ…
ಅದೇಷ್ಟೋ ಮಂದಿ ಹೇಳಬಹುದು ಮೊಮೊಸ್ ನಲ್ಲಿ ಯಾವುದೇ ಎಣ್ಣೆ ಅಥವಾ ಮಸಾಲೆ ಇಲ್ಲ ಯಾವುದೇ ಸಮಸ್ಯೆ ಆಗುವುದಿಲ್ಲ ಆರೋಗ್ಯಕ್ಕೆ ಒಳ್ಳೆಯದೇ ಎಂದು ಮೇಲ್ನೋಟಕ್ಕೆ ನಿಮಗೆ ತಿಳಿದಿರಬಹುದು ಆದ್ರೆ ಅದರ ಸೇವನೆಯಿಂದ ನಮ್ಮ ದೇಹಕ್ಕೆ ಗಂಭೀರ ಪರಿಣಾಮ ಎದುರಾಗುತ್ತದೆ.
ತಯಾರಿಕಾ ವಿಧಾನದಿಂದ ಎಫೆಕ್ಟ್
ಸಾಮಾನ್ಯವಾಗಿ ಮೊಮೊಗಳನ್ನು ಮೈದಾ ಹಿಟ್ಟಿನಿಂದ ತಯಾರಿಸಲಾಗುತ್ತದೆ. ಹಿಟ್ಟಿನಲ್ಲಿ ಅಜೋಡಿಕಾರ್ಬೊನಮೈಡ್ ಮತ್ತು ಬೆಂಜೊಯಿಲ್ ಪೆರಾಕ್ಸೈಡ್ ಸಮೃದ್ಧವಾಗಿದೆ. ಮೊಮೊಸ್ ಅನ್ನು ದೀರ್ಘಕಾಲದವರೆಗೆ ಮೃದುವಾಗಿಡಲು, ಅದಕ್ಕೆ ಅಲೋಕ್ಸಾನ್ ಎಂಬ ದ್ರವವನ್ನು ಸೇರಿಸಲಾಗುತ್ತದೆ. ಇದು ನಮ್ಮ ಆರೋಗ್ಯಕ್ಕೆ ತುಂಬಾ ಹಾನಿಕಾರಕವಾಗಿದೆ. ಹಿಟ್ಟು ತಯಾರಿಸಲು ಅದಕ್ಕೆ ಸೇರಿಸಲಾದ ವಿಶೇಷ ವಸ್ತುವು ದೇಹಕ್ಕೆ ಒಳ್ಳೆಯದಲ್ಲ. ಈ ನಿರ್ದಿಷ್ಟ ವಿಷಯವು ದೇಹದಲ್ಲಿನ ಮೇದೋಜ್ಜೀರಕ ಗ್ರಂಥಿಯನ್ನು ಹಾನಿಗೊಳಿಸುತ್ತದೆ. ಡಯಾಬಿಟಿಸ್ ಕೂಡ ಹೆಚ್ಚಾಗಲು ಪ್ರಮುಖ ಕಾರಣಾವಾಗುತ್ತದೆ
ನಾನ್-ವೆಜ್ ಮೊಮೊ ಎಫೆಕ್ಟ್
ವಿಶೇಷವಾಗಿ ನಾನ್-ವೆಜ್ ಮೊಮೊಗಳು ಇನ್ನೂ ಹೆಚ್ಚು ಅಪಾಯಕಾರಿ. ಚಿಕನ್ ಅನ್ನು ನಾನ್-ವೆಜ್ ಮೊಮೊಗಳಲ್ಲಿ ಸೇರಿಸಲಾಗುತ್ತದೆ. ಇದರ ಗುಣಮಟ್ಟ ತುಂಬಾ ಕಡಿಮೆ. ಇದು ಯಾರನ್ನಾದರೂ ಅನಾರೋಗ್ಯಕ್ಕೆ ಒಳಗಾಗಿಸುತ್ತದೆ.
ಕೆಂಪು ಚಟ್ನಿ
ಮೊಮೊಸ್ನನ್ನು ನೀವು ಕೆಂಪು ಚಟ್ನಿ ಅದ್ದಿಕೊಂಡು ತಿನ್ನುತ್ತೀರಾ? ಚಟ್ನಿ ಯಂತೆ ಕಾಣುವ ಕೆಂಪು ಚಟ್ನಿ ದೇಹಕ್ಕೆ ಭಾರೀ ದುಷ್ಪರಿಣಾಮ ಬೀರುತ್ತದೆ. ತಿನ್ನೋದಕ್ಕೆ ರುಚಿ ತುಂಬಾ ಚೆನ್ನಾಗಿರುತ್ತದೆ ಆದರೆ ಹಾನಿಕಾರಕವಾಗಿದೆ. ಕೆಂಪು ಚಟ್ನಿಯಂತೂ ಹೊಟ್ಟೆಗೆ ಒಳ್ಳೆಯದಲ್ಲ ಆರೋಗ್ಯವನ್ನು ಹಾಳುಗೆಡುತ್ತದೆ
ಇದು ಬೊಜ್ಜಿಗೆ ಪ್ರಮುಖ ಕಾರಣ
ಮೊಮೊಸ್ ನಲ್ಲಿ ಮೊನೊ-ಸೋಡಿಯಂ ಗ್ಲುಟಮೇಟ್ (ಎಂಎಸ್ ಜಿ) ಅಧಿಕವಾಗಿದೆ, ಇದು ಬೊಜ್ಜಿಗೆ ಕಾರಣವಾಗುವುದಲ್ಲದೆ ನರವೈಜ್ಞಾನಿಕ ಅಸ್ವಸ್ಥತೆಗಳು, ಬೆವರು, ಎದೆ ನೋವು, ವಾಕರಿಕೆ ಮತ್ತು ಹೃದಯ ಬಡಿತದಂತಹ ಇತರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.
ಅಷ್ಟೇ ಅಲ್ಲ, ಅಕ್ಕಿ ಹಿಟ್ಟಿನಿಂದ ಮಾಡಿದರೆ ಸ್ವಲ್ಪ ಆರೋಗ್ಯಕ್ಕೆ ಒಳ್ಳೆಯದು ಆದರೆ ಇದನ್ನು ಹೋಟೆಲ್ ಗಳಲ್ಲಿ ಮಾಡಲಾಗುವುದಿಲ್ಲ. ಮೈದಾ ಹಿಟ್ಟನ್ನು ಬಳಸಲಾಗುತ್ತದೆ. ಮೈದಾ ನಮ್ಮ ಆರೋಗ್ಯದ ಮೇಲೆ ಸಂಪೂರ್ಣವಾಗಿ ಪರಿಣಾಮ ಬೀರುತ್ತದೆ. ಇದ್ರಿಂದ ಇನ್ಮುಂದೆ ಮೊಮೊಸ್ ತಿನ್ನುವ ಮುನ್ನ ಹುಷಾರಾಗಿರಿ.
https://play.google.com/store/apps/details?id=com.speed.newskannada