ಲಂಡನ್‌: ಲೈಸೆನ್ಸ್‌ ಇಲ್ಲದೆ ಗಾಡಿ ಚಲಾಯಿಸಿದರೆ ಪೊಲೀಸರು ದಂಡದ ಮೊತ್ತದಿಂದಲೇ ನಿಮ್ಮನ್ನು ಬೆಚ್ಚಿ ಬೀಳಿಸಿಬಿಡುತ್ತಾರೆ. ಆದರೆ ಬ್ರಿಟನ್‌ನ ಪೊಲೀಸರು ಇತ್ತೀಚೆಗೆ ಒಬ್ಬ ವೃದ್ಧನ ಗಾಡಿ ನಿಲ್ಲಿಸಿ, ದಾಖಲೆ ಪರಿಶೀಲಿಸಿ ತಾವೇ ದಂಗಾಗಿದ್ದಾರೆ!1938ರಲ್ಲಿ ಜನಿಸಿರುವ ಆ ವೃದ್ಧ, ತಮ್ಮ 12ನೇ ವಯಸ್ಸಿನಿಂದಲೇ ಕಾರು ಓಡಿಸುತ್ತಿದ್ದಾರಂತೆ. ಆದರೆ ಇಂದಿಗೂ ಅವರ ಬಳಿ ಪರವಾನಗಿಯಾಗಲೀ, ಇನ್ಶೂರೆನ್ಸ್‌ ಆಗಲಿ ಇಲ್ಲ. ಕಳೆದ 70 ವರ್ಷಗಳಿಂದಲೇ ಯಾವೊಬ್ಬ ಪೊಲೀಸ್‌ ಅಧಿಕಾರಿಯೂ ಅವರನ್ನು ತಡೆದೇ ಇಲ್ಲವಂತೆ. ಅದೃಷ್ಟವಶಾತ್‌ ಅವರು ಯಾವ ಅಪಘಾತಕ್ಕೂ ಒಳಗಾಗದ ಹಿನ್ನೆಲೆ ಅವರಿಗೆ ಎಲ್ಲಿಯೂ ಲೈಸೆನ್ಸ್‌ ಅಥವಾ ಗಾಡಿಯ ಇನ್ಶೂರೆನ್ಸ್‌ ಅವಶ್ಯಕತೆಯೇ ಬಂದಿಲ್ಲವಂತೆ!ಈ ವಿಚಾರವನ್ನು ಅಲ್ಲಿನ ಪೊಲೀಸರೇ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದು, “ಈಗ ಆಟೋಮೆಟಿಕ್‌ ನಂಬರ್‌ ಪ್ಲೇಟ್‌ ಗುರುತಿಸುವ ಕ್ಯಾಮೆರಾ ಎಲ್ಲೆಡೆ ಅಳವಡಿಸಲಾಗಿದೆ. ಈ ರೀತಿ ಮಾಡಿದರೆ ದಂಡ ತೆರಬೇಕಾಗುತ್ತದೆ’ ಎಂದು ಜನರಿಗೆ ಎಚ್ಚರಿಸಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
