ನಟಿ ಆಲಿಯಾ ಭಟ್ ತಾಯಿಯಾಗುತ್ತಿದ್ದಾರೆ. ಎರಡು ತಿಂಗಳ ಹಿಂದಷ್ಟೆ ರಣ್ಬೀರ್ ಕಪೂರ್ ಹಾಗೂ ಆಲಿಯಾ ಭಟ್ ವಿವಾಹವಾಗಿದ್ದರು. ಇದೀಗ ಇಬ್ಬರು ಪೋಷಕರಾಗುತ್ತಿದ್ದಾರೆ.
ವಿವಾಹಕ್ಕೆ ಮುನ್ನವೇ ಆಲಿಯಾ ಭಟ್ ಗರ್ಭಿಣಿ ಆಗಿದ್ದರು ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಕೆಲವರಿಗಷ್ಟೆ ಗೊತ್ತಿದ್ದು, ಸುದ್ದಿಯನ್ನು ಬಹಳ ಗೌಪ್ಯವಾಗಿಡಲಾಗಿತ್ತು.
ಆದರೆ ಒಬ್ಬ ಸಾಮಾಜಿಕ ಜಾಲತಾಣ ಬಳಕೆದಾರ ಈ ಬಗ್ಗೆ ಆಲಿಯಾ-ರಣ್ಬೀರ್ ವಿವಾಹಕ್ಕೆ ಮುಂಚೆಯೇ ಖಾತೆಯಲ್ಲಿ ಹಂಚಿಕೊಂಡಿದ್ದ. ಅದಕ್ಕೆ ಕಾರಣವನ್ನೂ ಆತ ನೀಡಿದ್ದ.
ಫೇಸ್ಬುಕ್, ಟ್ವಿಟ್ಟರ್, ಇನ್ಸ್ಟಾಗ್ರಾಂನಂತೆ ರೆಡಿಟ್ ಎಂಬ ಸಾಮಾಜಿಕ ಜಾಲತಾಣವೂ ಇದ್ದು ಅಲ್ಲಿ ‘ನ್ಯೂ ಬಿ ಫಾರ್ ಫನ್’ ಹೆಸರಿನ ರೆಡಿಟ್ ಬಳಕೆದಾರರೊಬ್ಬರು ಮಿಸ್ ಭಟ್ (ಆಗಿನ್ನೂ ಆಲಿಯಾ ಮದುವೆ ಆಗಿರಲಿಲ್ಲ) ಗರ್ಭಿಣಿ ಆಗಿದ್ದಾರೆ. ಈ ಸುದ್ದಿಯ ಮೂಲ ಆಕೆಯ ಮೇಕಪ್ ಮ್ಯಾನ್ ಅಸಿಸ್ಟೆಂಟ್ ಕಮ್ ಗೆಳೆತಿ ಎಂದು ಬರೆದುಕೊಂಡಿದ್ದರು.
ಪೋಸ್ಟ್ಗೆ ಹಲವರು ವಿರೋಧ ವ್ಯಕ್ತಪಡಿಸಿದ್ದರು
ಈ ಪೋಸ್ಟ್ ಅನ್ನು ಬಹಳ ಮಂದಿ ಓದಿದ್ದರು. ಹಲವರು ವಿರೋಧವನ್ನೂ ವ್ಯಕ್ತಪಡಿಸಿದ್ದರು. ಇದು ಅತಿಯಾದ ಗಾಸಿಪ್ ಎಂದರು. ಅಲ್ಲದೆ ಆಲಿಯಾ ಬಗ್ಗೆ ಖಾಸಗಿ ಮಾಹಿತಿಯನ್ನು ಹೊರಹಾಕಿರುವ ಆ ಮೆಕಪ್ ಕಲಾವಿದರ ಬಗ್ಗೆಯೂ ಆಕ್ರೋಶ ವ್ಯಕ್ತಪಡಿಸಿದರು. ಕೊನೆಗೆ ರೆಡಿಟ್ ಸಂಸ್ಥೆ ಆ ಪೋಸ್ಟ್ ಹಂಚಿಕೊಂಡಿದ್ದ ‘ನ್ಯೂ ಬಿ ಫಾರ್ ಫನ್’ ಖಾತೆಯನ್ನು ಡಿಲೀಟ್ ಮಾಡಿತು.
ಪೋಸ್ಟ್ ವೈರಲ್ ಆಗಿದೆ
ಆದರೆ ಇದೀಗ ಆಲಿಯಾ ಭಟ್ ತಾವು ತಾಯಿಯಾಗುತ್ತಿರುವ ವಿಷಯ ಬಹಿರಂಗಪಡಿಸಿದ್ದು, ಇದೀಗ ರೆಡಿಟ್ ಸಹ ಖಾತೆಯನ್ನು ಪುನಃ ಸಕ್ರಿಯಗೊಳಿಸಿದೆ. ಆಗ ಹಂಚಿಕೊಂಡಿದ್ದ ಪೋಸ್ಟ್ ಅನ್ನು ಫೀಡ್ನಲ್ಲಿ ತೋರಿಸುತ್ತಿದೆ. ಈಗ ಆ ಪೋಸ್ಟ್ನ ಸ್ಕ್ರೀನ್ಶಾಟ್ಗಳು ವೈರಲ್ ಆಗಿವೆ. ಯಾವ ಬಾಲಿವುಡ್ ಬಿಗ್ ಹೌಸ್ ಮಾಧ್ಯಮಗಳಿಗೂ ಸಿಗದ ಸುದ್ದಿಯನ್ನು ಆಗಲೇ ಬಹಿರಂಗಪಡಿಸಿದ್ದಕ್ಕೆ ಮೆಚ್ಚುಗೆ ಸಹ ವ್ಯಕ್ತವಾಗುತ್ತಿದೆ.
ಸುಂದರ ಚಿತ್ರ ಹಂಚಿಕೊಂಡಿದ್ದ ಆಲಿಯಾ ಭಟ್
ಬಾಲಿವುಡ್ ಮನೊರಂಜನಾ ಮಾಧ್ಯಮಗಳ ಪ್ರಕಾರ ಆಲಿಯಾ ಭಟ್ ಮದುವೆಗೆ ಮುನ್ನವೇ ಗರ್ಭಿಣಿ ಆಗಿದ್ದರು. ಆದರೆ ಈಗ ತಾವು ಗರ್ಭಿಣಿ ಆಗಿರುವ ವಿಷಯ ಬಹಿರಂಗಗೊಳಿಸಿದ್ದಾರೆ. ತಾವು ಸ್ಕ್ಯಾನಿಂಗ್ ಗೆ ಒಳಗಾಗಿರುವ ಚಿತ್ರವನ್ನು ಆಲಿಯಾ ಭಟ್ ಹಂಚಿಕೊಂಡಿದ್ದಾರೆ. ಚಿತ್ರದಲ್ಲಿ ರಣ್ಬೀರ್ ಕಪೂರ್ ಸಹ ಇದ್ದು, ಸ್ಕ್ಯಾನಿಂಗ್ ಮಷೀನ್ನಲ್ಲಿ ಮಗುವಿನ ಚಿತ್ರವನ್ನು ನೋಡುತ್ತಿರುವ ಸುಂದರ ಚಿತ್ರ ಇದಾಗಿತ್ತು.
2020ರಲ್ಲಿಯೇ ವಿವಾಹ ನಿಗದಿಯಾಗಿತ್ತು
ಆಲಿಯಾ ಭಟ್ ಹಾಗೂ ರಣ್ಬೀರ್ ಕಪೂರ್ ಬಹು ಸಮಯದಿಂದ ಪ್ರೀತಿಯಲ್ಲಿದ್ದರು. ಇಬ್ಬರೂ ವಿವಾಹವಾಗುವುದು ನಿಶ್ಚಿತ ಎನ್ನಲಾಗಿತ್ತು. 2020ರಲ್ಲಿಯೇ ಈ ಜೋಡಿಯ ವಿವಾಹವಾಗಬೇಕಿತ್ತು. ಆದರೆ ರಣ್ಬೀರ್ ಕಪೂರ್ ತಂದೆ ರಿಷಿ ಕಪೂರ್ ಹಠಾತ್ ಸಾವಿನ ಕಾರಣ ಇಬ್ಬರ ವಿವಾಹ ಮುಂದೂಡಲಾಯಿತು. ಕೊನೆಗೆ 2022 ರ ಏಪ್ರಿಲ್ 14 ರಂದು ರಣ್ಬೀರ್ ಕಪೂರ್ ಹಾಗೂ ಆಲಿಯಾ ಭಟ್ ವಿವಾಹ ರಣ್ಬೀರ್ ನಿವಾಸದಲ್ಲಿಯೇ ಅದ್ಧೂರಿಯಾಗಿ ಆಚರಿಸಲಾಯಿತು. ಬಾಲಿವುಡ್ನ ಬಹುತೇಕ ಸೆಲೆಬ್ರಿಟಿಗಳು ವಿವಾಹ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://plಇay.google.com/store/apps/details?id=com.speed.newskannada