ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಮತ್ತೊಂದು ಹೊಸ ಚಿತ್ರವನ್ನ ಘೋಷಣೆ ಮಾಡಿದ್ದಾರೆ.
ವೇದ ಸಿನಿಮಾದ ನಂತರ ತಮ್ಮದೇ ಗೀತಾ ಪಿಚ್ಚರ್ಸ್ ನಿರ್ಮಾಣ ಸಂಸ್ಥೆಯಲ್ಲಿ ಎರಡನೇ ಚಿತ್ರ ಶುರು ಮಾಡ್ತಿದ್ದು, ಶಿವರಾತ್ರಿ ಹಬ್ಬದ ವಿಶೇಷವಾಗಿ ಅಧಿಕೃತವಾಗಿ ಪ್ರಕಟಿಸಿದ್ದಾರೆ. ಈ ಚಿತ್ರಕ್ಕೆ ಬೈರತಿ ರಣಗಲ್ ಎಂದು ಹೆಸರಿಟ್ಟಿದ್ದು, ಮಫ್ತಿ ಖ್ಯಾತಿಯ ನಿರ್ದೇಶಕ ನರ್ತನ್ ನಿರ್ದೇಶಿಸುತ್ತಿದ್ದಾರೆ. ಇದು ಶಿವಣ್ಣನ 126ನೇ ಸಿನಿಮಾ.
ಪ್ರಾಜೆಕ್ಟ್ಕೆ ಚಿತ್ರದ ರಿಲೀಸ್ ಡೇಟ್ ಅನೌನ್ಸ್
ಟಾಲಿವುಡ್ ನಟ ಪ್ರಭಾಸ್ ಅಭಿನಯದ ಪ್ರಾಜೆಕ್ಟ್ಕೆ ಸಿನಿಮಾದ ರಿಲೀಸ್ ದಿನಾಂಕ ಘೋಷಣೆಯಾಗಿದೆ. ನಾಗ್ ಅಶ್ವಿನ್ ನಿರ್ದೇಶನದ ಸೈನ್ಸ್ ಪಿಕ್ಷನ್ ಸಿನಿಮಾ 2024ರ ಜನವರಿ 12ನೇ ತಾರೀಖು ಐದು ಭಾಷೆಯಲ್ಲಿ ರಿಲೀಸ್ ಆಗುತ್ತಿದೆ. ಪ್ರಭಾಸ್ ಜೊತೆ ಬಾಲಿವುಡ್ ನಟ ಅಮಿತಾಭ್ ಬಚ್ಚನ್, ದೀಪಿಕಾ ಪಡುಕೋಣೆ ಕೂಡ ಆಯಕ್ಟ್ ಮಾಡ್ತಿದ್ದಾರೆ.
ಮೊನ್ನೆ ಅನೌನ್ಸ್.. ಈಗ ಕ್ಯಾನ್ಸಲ್
ಇತ್ತೀಚೆಗಷ್ಟೇ ವಿಜಯ್ ದೇವರಕೊಂಡ ಮತ್ತು ಗೀತಾ ಗೋವಿಂದಂ ನಿರ್ದೇಶಕ ಪರುಶರಾಮ್ ಹೊಸ ಸಿನಿಮಾ ಅನೌನ್ಸ್ ಮಾಡಿದ್ದರು. ಆದ್ರೀಗ, ಈ ಚಿತ್ರದಿಂದ ಪರುಶರಾಮ್ ಹಿಂದೆ ಸರಿದಿದ್ದಾರೆ ಎನ್ನಲಾಗಿದೆ. ಈ ಚಿತ್ರಕ್ಕೆ ಸಂಬಂಧಿಸಿದಂತೆ ನಿರ್ಮಾಪಕ ದಿಲ್ ರಾಜು ಮತ್ತು ಅಲ್ಲು ಅರವಿಂದ್ ನಡುವೆ ಮನಸ್ಥಾಪ ಉಂಟಾಗಿದ್ದು, ಇದ್ರಿಂದ ಬೇಸತ್ತ ನಿರ್ದೇಶಕ ಈ ಚಿತ್ರ ನಾನು ಮಾಡಲ್ಲ ಅಂತ ಹೇಳಿದ್ದಾರೆ ಎನ್ನಲಾಗಿದೆ.
‘ವೀರಂ’ ಚಿತ್ರದಲ್ಲಿ ಶಿವನ ಹಾಡು
ಮಹಾ ಶಿವರಾತ್ರಿ ಹಬ್ಬದ ವಿಶೇಷವಾಗಿ ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ನಟನೆಯ ವೀರಂ ಚಿತ್ರದ ಸಾಂಗ್ ಟೀಸರ್ ರಿಲೀಸ್ ಆಗಿದೆ. ಈ ಚಿತ್ರಕ್ಕೆ ಅನೂಪ್ ಸೀಳಿನ್ ಮ್ಯೂಸಿಕ್ ಕಂಪೋಸ್ ಮಾಡ್ತಿದ್ದು, ಮಹಾದೇವನ ಹಾಡನ್ನ ಬಳಸಿಕೊಂಡು ಹೊಸ ರೂಪ ಕೊಟ್ಟಿದ್ದಾರೆ. ಕುಮಾರ್ ರಾಜ್ ನಿರ್ದೇಶನದ ವೀರಂ ಸಿನಿಮಾದಲ್ಲಿ ರಚಿತಾ ರಾಮ್, ಶ್ರೀನಗರ ಕಿಟ್ಟಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
RRRಗೆ ಆ ಚಿತ್ರವೇ ಸ್ಫೂರ್ತಿ ಎಂದ ರಾಜಮೌಳಿ
ಎಸ್ ಎಸ್ ರಾಜಮೌಳಿ ನಿರ್ದೇಶನದ ತ್ರಿಬಲ್ ಆರ್ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಕ್ಸಸ್ ಆಗಿದ್ದು, ಆಸ್ಕರ್ ಪ್ರಶಸ್ತಿ ಗೆಲ್ಲುವ ನಿರೀಕ್ಷೆಯಲ್ಲಿದೆ. ಇಂಥಾ ಬ್ಲಾಕ್ ಬಸ್ಟರ್ ಸಿನಿಮಾ ಮಾಡೋಕೆ ಆ ಎರಡು ಚಿತ್ರಗಳು ನನಗೆ ಸ್ಫೂರ್ತಿ ಅಂತ ನಿರ್ದೇಶಕ ರಾಜಮೌಳಿ ಹೇಳಿಕೊಂಡಿದ್ದಾರೆ.1957ರಲ್ಲಿ ಬಂದಿರೋ ಮಾಯಾಬಜಾರ್ ಚಿತ್ರದ ಸ್ಫೂರ್ತಿಯಿಂದ ತ್ರಿಬಲ್ ಆರ್ ಆಯ್ತು ಎಂದರು. ಇನ್ನು ಹಾಲಿವುಡ್ ನಿರ್ದೇಶಕ ಮಿಲ್ ಗಿಬ್ಬನ್ ಅವರ ಸಿನಿಮಾಗಳ ಸ್ಫೂರ್ತಿಯಿಂದ ಕೊಮ್ಮರಮ್ ಭೀಮ್ನ ಕ್ಯಾರೆಕ್ಟರ್ ಡಿಸೈನ್ ಮಾಡಲಾಗಿದೆ ಎಂದು ಬಹಿರಂಗಪಡಿಸಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada