ದುರಸ್ತಿ ಕಾರ್ಯ ಸುಲಭವಿಲ್ಲ
ಈ ಅಂಕಿಅಂಶವು ಭಾನುವಾರದವರೆಗೆ ಮಾತ್ರ ಪರಿಗಣಿಸಲಾಗಿದೆ. ಹೆಚ್ಚಿನ (ಹಾನಿಗೊಳಗಾದ) ರಚನೆಗಳನ್ನು ಒಂದು ವರ್ಷದಲ್ಲಿ ದುರಸ್ಥಿ ಮಾಡಲಾಗುತ್ತದೆ. ದುರಸ್ಥಿ ಕಾರ್ಯ ತುಂಬಾನೆ ಕಷ್ಟಕರವಾಗಿದೆ ಎಂದು ಸಚಿವ ಒಲೆಕ್ಸಾಂಡರ್ ಕುಬ್ರಕೋವ್ ದೂರದರ್ಶನದಲ್ಲಿ ಮಾತನಾಡುತ್ತಾ ಹೇಳಿದರು.
40,000 ಜನರನ್ನು ಸ್ಥಳಾಂತರ
ಭಾನುವಾರದಂದು ಪೂರ್ವ ನಗರವಾದ ಖಾರ್ಕಿವ್ನಿಂದ 40,000 ಜನರನ್ನು ಸ್ಥಳಾಂತರಿಸಲಾಗಿದೆ ಎಂದು ಕುಬ್ರಕೋವ್ ಹೇಳಿದ್ದಾರೆ. ಆದರೆ ನಾಗರಿಕರು ಇತರ ನಗರಗಳನ್ನು ತೊರೆಯಲು ಅವಕಾಶ ನೀಡುವಂತೆ ಉಕ್ರೇನ್ ರಷ್ಯಾಕ್ಕೆ ಮನವಿ ಮಾಡಿದೆ ಮತ್ತು ಆಂತರಿಕ ಸಚಿವಾಲಯದ ಅಧಿಕಾರಿ ವ್ಯಾಡಿಮ್ ಡೆನಿಸೆಂಕೊ ಪ್ರಕಾರ ರಾಜಧಾನಿ ಕೀವ್ನ ಹೊರವಲಯದಿಂದ ಇನ್ನೂ 4,000 ನಾಗರಿಕರನ್ನು ಸ್ಥಳಾಂತರಿಸಬೇಕಾಗಿದೆ. ಕಾರಿಡಾರ್ಗಳನ್ನು ತಡೆಯಲು ರಷ್ಯಾ ಎಲ್ಲವನ್ನು ಮಾಡುತ್ತಿದೆ” ಎಂದೂ ಅವರು ಹೇಳಿದರು.
ರಷ್ಯಾ ಯುದ್ಧದಿಂದಾಗಿ ಉಕ್ರೇನ್ನಲ್ಲಿ ಏನೆಲ್ಲಾ ಹಾನಿಯಾಗಿದೆ?
• ಮಾರ್ಚ್ 3, 2022ರಂದು ಚೆರ್ನಿಹಿವ್ನಲ್ಲಿ ಶೆಲ್ ದಾಳಿಯಿಂದ ಅಪಾರ್ಟ್ಮೆಂಟ್ ಕಟ್ಟಡವು ಹಾನಿಗೊಂಡಿದೆ.
• ಸ್ಥಳೀಯ ಅಧಿಕಾರಿಗಳ ಪ್ರಕಾರ, ಕೀವ್ ಪ್ರದೇಶದಲ್ಲಿ ಶೆಲ್ ದಾಳಿಯ ನಂತರ ಬೆಂಕಿ ಹೊತ್ತಿಕೊಂಡಿದೆ ಎಂದು ಹೇಳಿತ್ತು.
• ಉಕ್ರೇನ್ ಮೇಲೆ ರಷ್ಯಾ ಯುದ್ಧ ಹಿನ್ನೆಲೆಯಲ್ಲಿ ಕೀವ್ನಲ್ಲಿ ರಷ್ಯಾದ ಶೆಲ್ ದಾಳಿಯಿಂದ ಸೇತುವೆ ಕುಸಿತವಾಗಿದೆ. ಕೀವ್ನ ಬುಚಾದಲ್ಲಿ ಸಂಪೂರ್ಣವಾಗಿ ಸೇತುವೆ ಕುಸಿದಿದೆ.
• ಉಕ್ರೇನ್ ಮೇಲೆ ರಷ್ಯಾ ಯುದ್ಧದ ಪರಿಣಾಮ ಖಾರ್ಕಿವ್ನಲ್ಲಿ ಟೆಲಿವಿಷನ್ ಟವರ್ ಮೇಲೆ ದಾಳಿ ಆಗಿದ್ದು. ಪರಿಣಾಮ ರಷ್ಯಾದ ಏರ್ಸ್ಟ್ರೈಕ್ನಲ್ಲಿ7 ನಾಗರಿಕರು ಮೃತಪಟ್ಟಿದ್ದಾರೆ. ಇಡೀ ಖಾರ್ಕಿವ್ ನಗರ ದಟ್ಟ ಹೊಗೆಯಿಂದ ಆವರಿಸಿತ್ತು, ಹಲವು ಕಟ್ಟಡ ಸೇರಿ ಅನೇಕ ಸಾರ್ವಜನಿಕ ಆಸ್ತಿ ಹಾನಿಯಾಗಿದೆ.
• ರಷ್ಯಾ ಸೇನೆ ಖಾರ್ಕಿವ್ನಲ್ಲಿ ಕ್ಷಿಪಣಿ ದಾಳಿ ಮಾಡಿದ್ದು, ಈ ದಾಳಿಗೆ ಖಾರ್ಕಿವ್ ನಗರದ ಆಸ್ಪತ್ರೆ ಕಟ್ಟಡ ನೆಲಸಮವಾಗಿದೆ. ಹಲವರು ಮೃತಪಟ್ಟು, ನೂರಾರು ಜನ ಗಾಯಗೊಂಡಿರುವ ಶಂಕೆ ವ್ಯಕ್ತವಾಗಿತ್ತು.
• ಉಕ್ರೇನ್ನ 395 ಯುದ್ಧ ಟ್ಯಾಂಕರ್ ಧ್ವಂಸಗೊಳಿಸಿದ್ದಾಗಿ ರಷ್ಯಾ ಹೇಳಿಕೊಂಡಿತ್ತು.
• ಖೆರ್ಸನ್ ನಗರವನ್ನು ಸುತ್ತುವರಿದಿದ್ದ ರಷ್ಯಾ ಸೇನೆ, ಖಾರ್ಕಿವ್ ನಗರದಲ್ಲಿ ಕ್ಷಿಪಣಿ ದಾಳಿ ಮಾಡಿತ್ತು ಮತ್ತು ಇದರ ಪರಿಣಾಮವಾಗಿ 6 ಜನರು ಗಾಯಗೊಂಡಿದ್ದರು.
• ಉಕ್ರೇನ್ ವಿರುದ್ಧ ಕಾರ್ಯಾಚರಣೆ ತೀವ್ರಗೊಳಿಸಿದ್ದ ರಷ್ಯಾ ಪಡೆಗಳು ಒಖ್ತಿರ್ಕಾ, ಸುಮ್ಸ್ಕಾ ಪ್ರದೇಶದಲ್ಲಿ ಸೇನಾ ಕಾರ್ಯಾಚರಣೆಗೆ ಮೂರು ವ್ಯಾಕ್ಯೂಮ್ ಬಾಂಬ್ಗಳನ್ನು ಬಳಸಿದೆ ಎಂದು ಉಕ್ರೇನ್ ಸಚಿವರು ವಿಡಿಯೋಗಳನ್ನು ಪೋಸ್ಟ್ ಮಾಡಿದ್ದರು.
• ಉಕ್ರೇನ್ ಮೇಲೆ ರಷ್ಯಾ 6ನೇ ದಿನದಂದು 70 ಉಕ್ರೇನ್ ಯೋಧರು ಮೃತಪಟ್ಟಿದ್ದರು. ಕೀವ್, ಖಾರ್ಕಿವ್ ನಡುವಿನ ಓಖ್ತಿರ್ಕಾದಲ್ಲಿರುವ ಸೇನಾ ನೆಲೆ ಮೇಲೆ ರಷ್ಯಾ ಭೀಕರ ದಾಳಿ ನಡೆಸಿತ್ತು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://plಇay.google.com/store/apps/details?id=com.speed.newskannada